النتائج 1 إلى 15 من 17

مشاهدة المواضيع

  1. #1
    «عين باحثة»
    تاريخ التسجيل
    Sep 2017
    المشاركات
    186

    افتراضي مقابلة خاصة > 4 < ( snipershoot )

    اسمك ؟
    محمد هاشم محمد السادات



    اسمك بالدلع ؟
    لا مليش + مبحبش الدلع اصلا



    عمرك ؟
    ٢٨ سنه



    هواياتك المفضله ؟
    كانت الكوره بس اخر مره لمستها فيها كانت من سنين دلوقتى ممكن نقول القراءه لو اعتبرنا ان هى هوايه



    وين ساكن في مصر ؟
    قريه البندره - مركز السنطه - محافظ الغربيه



    افضل منطقه تحبها في مصر ؟
    مصر كلها حلوه مفيش فيها مكان مميز عن التانى كلها حلوه بأهلها اللى فيها



    اشخاص تثق فيهم بحياتك ؟
    أخويا الكبير



    أفضل 3 أصحاب بتأمن عليهم اسرارك؟
    السر لو خرج ما بين اتنين ميبقاش سر عشان كدا مش بحب أقول أسرارى لحد 🤐



    مين أول شخص تعرفت عليه بزمن و كيف تعرفت عليه؟
    مش فاكر لأن دا كان من سنين كتير لكن ممكن أقول بعض الأسامي بدون ترتيب المعرفه بيهم زى عادل ذا مومى دا كان أول واحد إشتريت منه سلاح داينستى + ٦ ب ١٨ صره وكان في كاميل اسمه فول أوت والله ما متذكر اسمه كان بينكتب ازاى بس كنت بحبه وجوست أوف هيل ناااااس كتير والله من لخبطى فيهم نسيتهم كانت أيام بصراحه عظيمه وعمرها ما هتتعوض



    أشخاص تحبهم و تعزهم بزمن؟
    بحب أعضاء اللعبه كلها أو بمعنى أصح كلهم عندى سواسيه لأنها مجرد لعبه بدخل أتسلى فيها وأضيع وقت



    أشخاص تكرهم في زمن ؟
    اللعبه بالنسبه ليا مجرد لعبه مش مستاهله أكره حد عشانها خالص ممكن يبقى فيه بعض المشاحنات بس بتبقى وقتها بس يعنى تقدرى تقولى حماس زايد



    سبب كرهك ل اسلام؟
    مبكرهش حد واسلام حبيبى اصلاً بس ممكن تلاقى شويه شد وجذب فى الكلام نتيجه حماس زايد مش أكتر لكن بعدها على طول بنبقى تمام مع بعض



    هل سبق و انسرقت في زمن و شو السبب و مين كان ؟
    انسرقت كتيييير أكتر من ٤ مرات والسبب ثقه زايده فى بعض الاشخاص أو قله حرص منى لأنى فاتح سيبر وكان ممكن الناس اللى بتقعد عندى توصل لحسابى بسهوله



    هل بتعرف ناس سارقين من أصحابك و متستر عليهم بزمن؟
    رغم إنه سؤال فى حد ذاته محرج بس الإجابه لا معرفش ناس سارقين ولا متستر على حد خالص



    نسبة حبك لكلانك ؟ ومين تعز من الموجودين فيهم ؟
    بحب كلانى وعندى ولاء ليه فوق الوصف وجزئيه بعز مين فيه فأنا بالنسبه ليا بمجرد ما شعار كلانى أصبح فوقك بقى ليكى احترامى وزيك زيى فى الكلان واللى يغلط أى كان مين يتحاسب ولو استدعى الأمر للطرد يتم طرده حتى لو كان بالكلان من وقت ما تم تأسيسه



    شخص تكره تواجهه بالاولي ؟
    السحر اللى تلعب بالخوف f1 والمبارزين والخفتارى ههههه شكلى هقول التخصصات كلها



    شخص تكره تواجهه PvP?
    ولا أى شخص نهائى أصلى لو مت يعنى مش هبقى مت فى الحقيقه ولو كسبت مش هتبقى أول مره أكسب



    كم مرة صرت هيرو ؟ و هل كان بكفتة ولا لا ؟
    ١٥ مره وعمرى ما أخدت هيرو كفته ولله الحمد



    كم مرة شتمت بزمن و أكثر واحد شتمته مين كان ؟
    ياااه شتمت كتير دا أنا ليا صفحه كامله حظر بسبب الشتيمه وبالمناسبه دى فرصه أعتذر فيها لكل شخص أسأت ليه بلفظ جارح بس هى بتبقى زى ما قولت نتيجه حماس زايد رد على اهانه يعنى ربنا يعدينا أجمعين وأكتر شخص مش متذكر والله بجد



    أشخاص ساعدوك من بداية السيرفر ؟
    اللى عرفونى ع اللعبه وهما كلهم من عندى من نفس البلد محمد معوض ( مادى ) أنس ( سناتشر ) تامر ( فوكس ) أحمد أنور ومصطفى مسعد مش فاكر أسماء حسباتهم بس دول كلهم ساعدونى كتير لو مش بدروب بالتوجيه والخبره وبالمناسبه كل الشخصيات دى انا بلعب بيها دلوقتى ومكمل مكانهم ☺



    أكثر شخصية دعستك بالسيرفر و كانت بينكم عداوة قوية@ ؟
    مفيش حد اللعبه داعس ومدعوس مره غالب ومره مغلوب



    أكثر شخصية انت دعستها بالسيرفر أو أكثر كلان؟@@
    كلانات اللعبه كلها سايب عليها بصمه الحمدلله



    هل سبق لك و افتريت على أحد بزمن ومن كان ؟
    لا الحمدلله الافترا وحش ☺



    علاقتك مع حمو و حودا الفترة دي ؟
    مش الفتره دى هى طول عمرها كويسه رغم المشاكل اللى بتبقى بينا لكن دايما فيه احترام متبادل على الاقل احترام العشره فى اللعبه بقالنا سنين نعرف بعض ودلوقتى احنا تحالف وربنا يكمله على خير



    سبب تحالفك معا لونلي ؟
    يعنى يمكن مصالح مشتركه هدف واحد فى الاتحاد قوه لعبهم حلو وبنستفيد من بعض يعنى اسباب كتير خلينا نقول اهمهم احترام متبادل لبعض ألاشخاص



    هل تعتقد كلان لونلي مصلحة ؟ معا ذكر السبب ؟
    لا مش كلان مصلحه ولا حاجه ناس كانت بتلعب مع الوتش حصلت مشاكل خرجو عملو كلان عملنا تحالف نعرف بعض من سنين حتى وهما فى كلان تانى عشان كدا اتفقنا على تحالف وبعدين الاعضاء كلهم فى اى كلان اى كان متنقلين النهارده فى هيناتا بكره فى وتش شويه فى فرندس كل شويه فى كلان شكل والاعضاء والمكان اللى ترتاح فيه



    لو كانت عندك امنية تمحي 3 شخصيات بالسيرفر من هتكون ال3 شخصيات ؟
    snipershoot snipershoot snipershoot
    عشان الواحد مكنش لعب السرفر ولا دخله لانه يوم عن يوم مستواه بيقل واللعب فيه بقى غير لذيذ



    شو رايك بدي الاسماء :

    راسر؟
    صارخ لا يستهان به فى البى فى بى



    ايثان؟
    دخوله قليل ملوش مشاركات مؤثره فى البى فى بى ولا الأولى



    كيشا ؟
    لعبها كفو بس لو تلعب بدون شات بتصير أفضل لكن هى بى فى بى ١٠ د شات ٦٠ د



    انا حره ؟
    لعبها كفو وواثقه من شخصيتها وعارف مواطن ضعفها وقوتها وعندها اصرار دايما تكون افضل



    أنا بعلق على الشخصيات وليس أصحابها دا تنويه بس ياريت تبقى توضحيه



    كلمه اخيره ؟
    كلمه اخير ياريت كل شخص أسأت ليه بقصد أو بدون قصد يسامحنى وفرصه سعيده حوارى معاكى
    :::التوقيع:::


 

 

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •