النتائج 1 إلى 2 من 2
الموضوع: خذاك واحد من يديني من الناس
-
21-07-2016, 11:31 PM #1
خذاك واحد من يديني من الناس
ياللي غلاها فايق(ن) كل مقياس
رحتي وانا عيني من البُعد تبكيكـ
حبك في قلبي بالدقايق والانفاس
مامرّت اللحظة بليّا طواريكـ
خذاك واحد من يديني من الناس
عساه مثلي يالحبيبه يراعيكـ
وصيتي له تنكتب له بالاحساس
قولي حبيبي مرسل(ن) لك يوصيكـ
يقول راعيها ترى هذي ألماس
بعيونه الثنتين لازم يداريكـ
داري مشاعرها بلطف(ن) ولاباس
باحلى كلامه لازم انه يناديكـ
هذا كلامي له من الراس للراس
اما يصونكـ... ولا قولي يخليكـ
وانا لي الله لاطوى القلب هوجاس
مالي سوى الذكرى اليا حل طاريكـ
قلبي كما بن(ن) تحمسه بمحماس
اليا طرا لي ماضي ايامنا ذيكـ
https://www.youtube.com/watch?v=HBqywIhm2Is
-
22-07-2016, 12:06 AM #2
ابداااع
صح لسانك ولسان الشاعر