النتائج 1 إلى 4 من 4
  1. #1
    :: محارب نادى الألف ::
    تاريخ التسجيل
    Jun 2010
    المشاركات
    3,448

    افتراضي من لايعدك ربح .. عده خساره

    بدري عليك اللوم ياضايق البال
    قلبك تحمّل ضيقته وانكساره

    مايفرح بحزنك سوى ناس عذال
    والا الرفيق يذوق مثلك مراره

    هيا كذا الدنيا سهالات واهوال
    تاره تبسّم لك وتبكيك تاره

    فيها بشر عانت لاجل تبني اجيال
    واشخاص عاشت لاجل تبني عماره

    ريّح اركابك جامل الناس واحتال
    على شعورك لاتبين دماره

    وسرّك لو انك تكشفه صار جوّال
    الناس تبغى الاكشنه والاثاره

    ماكل حزن(ن) يسكن القلب ينقال
    بكره يدور اسمك على كل حاره

    ولانت بـ اول شخص قالو بالامثال
    النار دايم مبتداها شراره

    اضحك بوجه اعداك في كل الاحوال
    لاجوك مقصودين سو استداره

    خلك مع المحتال غامض ومحتال
    ومع طرقته دامه مجاريك جاره

    لو قال كيف الحال جاوبه بالحال
    وضح له انك مبتهج بالزياره

    ولاراح مايمنع لو تجر موّال
    جرة غريب(ن) وده بشوف داره

    وش تنتظر من ناس ماعندها اشغال
    ناس(ن) تحسب ان المغثه شطاره

    وبعض المصايب تفرز اشكال واشكال
    تظهر بها الرديان واهل النعاره

    ولو تشخل اللي يعرفونك بمشخال
    تقول انا أطيب بشر عن جداره

    تشوف فزعة شخص ماهو على البال
    واللي تهقوابه يسوق اعتذاره

    واللي توقّف له مواقيف الابطال
    يقعد ويشمت فيك خلف الستاره


    اياك والحقران في بعض الازوال
    وترى الشكل ماهو دليل الطهاره

    وماكل رجال(ن) لبس بشت رجال
    كم واحد(ن) ماهو بيدينه قراره


    واللي يجيك وللثقيلات شيّال
    هو اللي يفخر فيه بشت الاماره

    عليك باللي يلحق القول بافعال
    والا الردي خله وجنب مساره

    انا اشهد انه ماكذب واحد(ن) قال
    من لايعدك ربح .. عده خساره


    شعر : مبارك الحجيلان
    https://www.youtube.com/watch?v=CBhUO0pNhTY
    التعديل الأخير تم بواسطة mares ; 13-03-2016 الساعة 06:14 PM

  2. #2
    «مستكشف»
    تاريخ التسجيل
    Mar 2016
    الدولة
    من سوريا كنت باليونان والان المانيا
    المشاركات
    118

    افتراضي

    حلووة مارس <3

  3. #3
    :: محارب نادى الألف ::
    تاريخ التسجيل
    Aug 2010
    الدولة
    Military officer👮
    المشاركات
    1,187

    افتراضي

    صح لسانك مو غريب عنك.. من عرفتك.

  4. #4
    :: محارب نادى الألف ::
    تاريخ التسجيل
    Aug 2010
    الدولة
    Military officer👮
    المشاركات
    1,187

    افتراضي




    مايفرح بحزنك سوى ناس عذال
    والا الرفيق يذوق مثلك مراره

 

 

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •